Thursday, January 19, 2017

நட்டி லெமன் சாக்லேட் கேக் Nutty Lemon Chocolate Cake


நட்டி லெமன் சாக்லேட் கேக்

மைதா – 11/2  கப்
சாக்லேட் பார் - சிறிது
பட்டர் – 150 கிராம்
சர்க்கரை – ஒன்னறை கப்  பொடித்தது
பேக்கிங் பவுடர் – இரண்டரை தேக்கரண்டி
முட்டை – 4
தண்ணீர் – ஒரு கப்
உப்பு – சிறிது
சாக்லேட் எசன்ஸ் – ஒரு தேக்கரண்டி
லெமன் ஜுஸ் – அரை மூடி
துருவிய லெமன்  - ஒரு தேக்கரண்டி
பேக்கான் & வால்நட் – 100 கிராம் பொடியாக அரிந்தது

செய்முறை

ஓவனை 20 நிமிடம் ப்ரீ  ஹீட் செய்யவும்.
பட்டரையும் சர்க்கரையையும் சேர்த்து ஒன்றாக ப்ளன்ட் செய்ய்வும்
மைத,பேக்கிங் பவுடர் , ,உப்பு நான்கையும் சலித்து கொள்ளவும்.
( சாக்லேடை உருக்கி வைக்கவும் இருந்தால் உருக்கி சேர்க்கவும்)
முட்டையை ப்ளபியாக அடித்து சர்க்கரை கலவையுடன் சேர்த்து கலக்கவும்.
பிறகு சலித்த மைதாவை அதில் சிறிது சிறிதாக தூவி நன்கு கலக்கவும்.
கடைசியாக வென்னிலா எசன்ஸ் , லெமன் சாறு கலந்து , துருவிய லெமன் சேர்த்து முன்றில் ஒரு பாகம் எடுத்து அதில் உருக்கிய சாக்லேட் சேர்த்து கலக்கவும்  கேக் பேக் செய்யும் ட்ரேவில்  பட்டர் தடவி கிழே முதலில் சாக்லெட் மிக்ஸ் செய்யாத கலவையை சேர்த்து , மேலே சாக்லேட் மிக்ஸ் செய்த கலவையை அங்கும் இங்குமாக ஊற்றி  மேலே நட்ஸை தூவி 20 நிமிடம் பேக் செய்யவும். 20 நிமிடம் கழித்து ஆறியதும் வேண்டிய வடிவில் துண்டுகள் போட்டு சாப்பிடவும்.




https://www.facebook.com/pages/Chennai-Plaza/156896191130975 https://www.facebook.com/Samaiyalattakaasam http://www.chennaiplazaki.com/

Wednesday, January 18, 2017

முந்திரி லெமன் கேக் - Cashew Lemon Cake


முந்திரி லெமன் கேக் - Diamond Shape Cake
மைதா – 2 கப்
பட்டர் – 150 கிராம்
சர்க்கரை – ஒன்னறை கப்  பொடித்தது
பேக்கிங் பவுடர் – இரண்டரை தேக்கரண்டி
முட்டை – 4
தண்ணீர் – ஒரு கப்
உப்பு – சிறிது
வென்னிலா எசன்ஸ் – ஒரு தேக்கரண்டி
லெமன் ஜூஸ் – அரை மூடி
துருவிய லெமன்  - ஒரு தேக்கரண்டி
முந்திரி – 50 கிராம் பொடியாக அரிந்தது

செய்முறை

ஓவனை 20நிமிடம் ப்ரீ  ஹீட் செய்யவும்.
பட்டரையும் சர்க்கரையையும் சேர்த்து ஒன்றாக ப்ளன்ட் செய்ய்வும்
மைத,பேக்கிங் பவுடர் உப்பு மூன்றையும் சலித்து கொள்ளவும்.
முட்டையை ப்ளபியாக அடித்து சர்க்கரை கலவையுடன் சேர்த்து கலக்கவும்.
பிறகு சலித்த மைதாவை அதில் சிறிது சிறிதாக தூவி நன்கு கலக்கவும்.
கடைசியாக வென்னிலா எசன்ஸ் , லெமன் சாறு கலந்து , முந்திரியை பொடியாக அரிந்து தூவி கேக் பேக் செய்யும் ட்ரேவில் கிழே பட்டர் தடவி கலவையை ஊற்றி 20 நிமிடம் பேக் செய்யவும். 20 நிமிடம் கழித்து ஆறியதும் வேண்டிய வடிவில் துண்டுகள் போட்டு சாப்பிடவும்







https://www.facebook.com/pages/Chennai-Plaza/156896191130975 https://www.facebook.com/Samaiyalattakaasam http://www.chennaiplazaki.com/

Friday, January 13, 2017

மஞ்சள் பூசனி முட்டை தோசை (பேன்கேக்) Pumpkin Egg Pancake


Pumpkin Egg Dosa
#பேலியோடயட்
#டிபன் வகைகள்

மஞ்சள் பூசனி முட்டை தோசை (பேன்கேக்)

துருவிய மஞ்சள் பூசணி - அரை கப் ( 100 கிராம்)
உப்பு தேவைக்கு
தக்காளி - அரை பழம்
பச்சமிளகாய் - ஒன்று
வெங்காயம் - ஒன்று பொடியாக அரிந்தது
முட்டை 4
தேங்காய் பால் - கால் கப்

தேங்காய் எண்ணை - சுட தேவையான அளவு

இஞ்சி பூண்டு பேஸ்ட் - அரை தேக்கரண்டி
கொத்துமல்லி தழை - சிறிது

செய்முறை

சட்டியை காயவைத்து தேங்காய் எண்னை சேர்த்து வெங்காயம் இஞ்சி பூண்டு கொத்துமல்லி தழை சேர்த்து நன்கு வதக்கி துருவிய பூசணி உப்பு தேவைக்கு மிளகாய்தூள் சேர்த்து நன்கு வதக்கி வேகவைத்து ஆறவைக்கவும்.

முட்டையில் தேங்காய் பால் உப்பு சேர்த்து மிக்சியில் அடிக்கவும்

ஆறிய கலவையை முட்டையுடன் சேர்த்து செட் தோசை போல தேங்காய் எண்ணை சேர்த்து வார்க்கவும்.

மூன்று தோசைகள் வரும்.

கவனிக்க: இந்த கலவை கலந்து தோசை ஊற்றும் போது அவசரபட்டு உடனே திருப்ப கூடாது இல்லை என்றால் விண்டு விடும் ,. சிறு தீயில் மூடி போட்டு வேக விடவும். ஒரு பக்க வெந்ததும் மெதுவாக மறுபக்கம் திருப்பி போட்டு வேகவிட்டு இரக்கவும்.

காய் சேருவதால் ஏதானும் ஒரு சாலட் உடன் மதிய உணவிற்கு சாப்பிடலாம்.

ஆக்கம்

Jaleela Kamal



https://www.facebook.com/pages/Chennai-Plaza/156896191130975 https://www.facebook.com/Samaiyalattakaasam http://www.chennaiplazaki.com/

Tuesday, January 10, 2017

கொடுவா மீன் கிரில் (sea bass)


https://youtu.be/HTORtMmNuuE




கொடுவா மீன் கிரில் (sea bass)

தேவையான பொருட்கள்

பெப்பர் – ஒரு மேசைகரண்டி
காரிலிக்  பவுடர் – ஒரு மேசைகரண்டி
சால்ட் – ஒரு தேக்கரண்டி


ஆலிவ் ஆயில் 50 மில்லி
ஒரிகானோ ஒரு மேசைகரண்டி
லெமன் – இரண்டு லெமன் ஜுஸ்

கார்லிக் முழு பூண்டு
கொத்துமல்லி கீரை
பிரிஞ்சி இலை
லெமன் ஸ்லைஸ்

செய்முறை

முழு மீனை சுத்தம் செய்து அங்காங்கே கீறிவிடவும்.
பாத்திரத்தின் அடியில் ஆலிவ் ஆயில் ஒரிகானோ லெமன் ஜூஸ் சேர்த்து பிறட்டி மீனை வைத்து மேலே மிளகு தூள் பூண்டு பொடி உப்பு சேர்த்து மீனில் முழுவதும் தடவவும்.









மேலே கீறிய இடைவெளியில் கிளி மூக்கு மாங்காய் துண்டுகள் கட் செய்து இடை இடையே சொருகவும்.( பேலியோ டயட்டில் உள்ளவர்கள் மாங்காய் க்கு பதில் லெமன் ஸ்லைஸ் வைக்கவும்.

மீனின் வயிற்றில் நல்ல ப்லேவருக்காக கொத்துமல்லி தழை, ஸ்லைஸாக அரிந்த எலுமிச்சை துண்டுகள், பிரிஞ்சி இலை , முழு பூண்டு வைக்கவும்.














இதை ஒரு மணி நேரம் ஊறவைத்து கிரில் செய்யவும்.

ஓவனை 20 நிமிடம் முற்சூடு படுத்தி மேலும் கீழும் சூடு உள்ள கிரில் ஆப்ஷனை செலக்ட் செய்து 20 நிமிடம் கிரில் செய்யவும், மேலே லேசாக பட்டர் தேய்த்து
பிறகு திருப்பி விட்டு மேலும் 20 நிமிடம் கிரில் செய்யவும். கடைசியாக மேலே உள்ள கிரில் ஆப்ஷனை செலக்ட் செய்து 10 நிமிடம் வைத்து எடுக்கவும்.

Tag:BBQ/Whole fish Grill, Sea Bass Grill,Sea food, Paleo Deit, Video Samaiyal







 https://www.facebook.com/pages/Chennai-Plaza/156896191130975 https://www.facebook.com/Samaiyalattakaasam http://www.chennaiplazaki.com/

Sunday, January 1, 2017

கஜூர் - Kajur



கஜூர்


தேவையான பொருட்கள்

  • ரவை - ஒரு கிலோ
  • முந்திரி - 350 கிராம்
  • பால் கோவா - 350 கிராம் (அ) கட்டியான பால் ஒன்னே கால் டம்ளர்
  • பாதம் - 80 கிராம்
  • சர்க்கரை - 450 கிராம்
  • சாப்ரான் - இரண்டு பின்ச்
  • கேசரி கலர் பொடி - ஒரு பின்ச்
  • கோதுமை மாவு - கால் டம்ளர்
  • உப்பு - ஒரு பின்ச்
  • எண்ணை + டால்டா - பொரிக்க தேவையான அளவு

செய்முறை

  • ரவையில் முந்திரி பாதத்தை தூள் செய்து போடவும்.
  • சர்க்கரையையும் பொடித்து சேர்க்கவும்.
  • பாலில் சாப்ரான், கலர் பொடி, உப்பு சேர்த்து ரவை கலவையோடு சேர்த்து வெறவவும்.
  • பிறகு கோதுமை மாவையும் சேர்த்து குழைக்காமல் வெறவி ஆறு நேரம் ஊறவைக்க வேண்டும்.
  • பிறகு எடுத்து ரொட்டிக்கு குழப்பது போல் நல்ல குழைத்து தடிமனாக அரை இன்ச் அளவு சப்பாத்திகளாக இட்டு டைமண்ட் ஷேப்பில் கட் செய்து எண்ணையில் டால்டா (அ) நெய் சேர்த்து பிரித்தெடுக்கவும்.
  • .

குறிப்பு:

இது ஒரு மாதம் வரை கெடாது வெளியில் எங்காவது டூர் சென்றால் எடுத்து செல்லலாம். காலையில் நாலு கஜூர் சாப்பிட்டு ஒரு டீ குடிக்கலாம், வயிறு நல்ல திம்மென்று இருக்கும்

டூர் ரெசிபி,







https://www.facebook.com/pages/Chennai-Plaza/156896191130975 https://www.facebook.com/Samaiyalattakaasam http://www.chennaiplazaki.com/

Thursday, December 1, 2016

சப்ஜி பிரியாணி ( காய்கறி பிரியாணி)

சப்ஜி பிரியாணி ( காய்கறி பிரியாணி) -Vegetable Biriayni



              
தரமான பாசுமதி அரிசி – 600 கிராம்
வெங்காயம் – 300 கிராம்
தக்காளி – 300 கிராம்
எண்ணை – 150 மில்லி
பட்டை  ஒரு இன்ச் சைஸ்
இஞ்சி பூண்டு பேஸ்ட்  மூன்று மேசைகரண்டி
கொத்துமல்லி புதினா  அரைகப்
பச்சமிளகாய்  4
தயிர்  - இரண்டு மேசை கரண்டி
எலுமிச்சை பழம் சிறியது  அரை + அரை
உப்பு தேவைக்கு
மிளகாய் தூள்  ஒரு தேக்கரண்டி
மஞ்சள் தூள்  அரை தேக்கரண்டி


காய் கறி வகைகள்
உருளை கிழங்கு  - 100 கிராம்
கேரட் – 50 கிராம்
பீட்ரூட் – 50 கிராம்
பட்டாணி – 50 கிராம்
கார்ன்  - 50 கிராம்
காலிப்ளவர்  - 25 கிராம்
பீன்ஸ் – 25 கிராம்


செய்முறை

காய்கறிகள் அனைத்தையும் கழுவி ரிந்து வைக்கவும்.
வெங்காயம் தக்காளியை நீளவாக்கில் அரிந்து வைக்கவும்.
கொத்துமல்லி புதினாவை மண்ணில்லாமல் ஆய்ந்து கழுவி வைக்கவும்.
அரிசியை 20 நிமிடம் ஊறவைக்கவும்.
வாயகன்ற நான்ஸ்டிக் பாத்திரத்தை அடுப்பில் ஏற்றி காயவைத்து எண்ணையை ஊற்றி
 சூடாக்கி பட்டை , லவங்கம், ஏலம் சேர்த்து தாளிக்கவும்.
பிறகு வெங்காயத்தை சேர்த்து நன்கு பொன்னிறமாக வதக்கவும்.
அடுத்து இஞ்சி பூண்டு விழுதை சேர்த்து வதக்கி தீயின் தனலை குறைவாக வைத்து
 பச்சை வாடை போனதும் உருளை, கேரட் சேர்த்து வதக்கவும்.பீட்ரூட் சேர்த்து வதக்கவும். கொத்துமல்லி புதினா சேர்த்து ஒரு நிமிடம் வதக்கி தககாளி மற்றும் பச்சமிளகாய் 
சேர்த்து சிறிது உப்பும் போட்டு சிம்மில் வைத்து 5 நிமிடம் வேக விடவும்.
தக்காளியை குழைவாகும் வரை கிண்டி மீதி உள்ள காலிப்ளவர், பீன்ஸ், பட்டாணி, கார்ன், தயிர் சேர்த்து நிமிடம் வேகவிட்டு வதக்கவும்.
அடுத்து மிளகாய் தூள், மஞ்சள் தூள், உப்பு தூள், ஆகியவை சேர்த்து நன்கு வதக்கி சிம்மில் 10 நிமிடம் விடவும்,
வாயகன்ற பாத்திரத்தில் தண்ணீரை கொதிக்க விட்டு அதில் ஊறவைத்த அரிசியை சேர்த்து உப்பு போட்டு முக்கால் வேக்காடாக வேகவிடவும், அரிசி ஒன்றோடு ஒன்றாக ஒட்டாமல் இருக்க ஒரு ஸ்பூன் எண்ணை மற்றும் லெமன் சாறு சேர்த்து வடிக்கவும்.
 வடித்த அரிசியை வைத்துள்ள காய்கறி அக்னியில் அரிசியை தட்டி மேலே கேசரி கலர் பொடி கரைத்து தெளித்து, புதினா கொத்துமல்லி தூவி சிறிது நெய் ஊற்றி 20 நிமிடம் தம் போட்டு இரக்கவும்.


கவனிக்க : பீட்ரூட் சேர்த்தால் கலர் மாறும், பீட்ரூட்டை ஒரு நாள் முன்பே அரிந்து பிரிட்ஜில் வைத்தால் அப்படி அதிகமாக கலர்மாறாமல் இருக்கும்.

Tag:Vegetable Biriyani,காய்கறி பிரியாணி, பார்டி உணவு,Party Special,

https://www.facebook.com/pages/Chennai-Plaza/156896191130975 https://www.facebook.com/Samaiyalattakaasam http://www.chennaiplazaki.com/

Monday, November 28, 2016

கத்திரிக்காய் முள்ளங்கி சூப்


#Paleo #diet#soup
#veg##clear #soup #for #perfectdiet
#சைவம்
#பேலியோடயட்சூப்
\சூப்
#Brinjal #Radish
#பேலியோ 

டயட் சூப்/எடை குறைக்க/வெயிட் லாஸ்
எந்த டயட் ஆக இருந்தாலும்  ஒரு நல்ல ஆரோக்கியமான உணவு எதுன்னு கேட்டால் நான் அனைவருக்கும் பரிந்துரைப்பது சூப் தான்.

கீரை சாறு, காய்கறி தண்ணீ சாறு, இல்லை காய்கறி கீரை வகைகளை வேகவைத்து லேசாக ப்ளன்ட் செய்து அப்படியே குடிப்பது, சிக்கன் போன் சூப், மட்டன் நல்லி எலும்பு சூப், ஆட்டு கால் சூப், இறால் மற்றும் இறால் தலை சூப், மீன் தலை சூப் , நண்டு சூப் இப்படி பல வகை சூப் வகைகளை தயாரித்து குடித்தால் ஆரோக்கியமாக  வாழலாம்,
(அறுவை சிகிச்சை நடந்து சிலருக்கு சாலிட் டயட் சாப்பிட கூடாது அப்படி உள்ளவர்களுக்கு இப்படி சத்தாக தயாரித்து அதை சாற்றை மட்டும் வடித்து கொடுக்கலாம்)
டயட்டில் தண்ணீர் தான் 8 டம்ளர் குடிக்கனும் என்றில்லை சூப் ஜுஸ் பால் தயிர் எதுவாக இருப்பினும் சாப்பிடலாம்.

நோயாளிகளோ அல்லது இதய நோயாளிகளோ , ஜுரம், சளி, ஆர்தடைஸ் பிராப்ளம் உள்ளவர்கள் , தொண்டைபுண் வந்து ஒன்றும் சாப்பிட முடியவில்லை என்றால், குழந்தைகளுக்கு, கர்பிணி பெண்களுக்கு எல்லாருக்குமே ஒரு தெம்பான ஊட்ட சத்து அளிக்கும் ஒரு அருமையான சாப்பாடு வகை சூப் தான் , தொடர்ந்து குடித்து வந்தால் உடல் எடை குறைய வாய்ப்பு இருக்கு.
எந்த சூப்பாக இருந்தாலும் இஞ்சி அல்லது பூண்டு சேர்த்து செய்யுங்கள்


எல்லா வகையான காய்கறிகளிலும் , கீரை வகைகளிலும் இந்த சூப்பை செய்து சாப்பிடலாம்.
சுலபமான சூப் எப்படி செய்வது என பார்ப்போம்


தேவையான பொருட்கள்
கத்திரிக்காய் – முன்று
முள்ளங்கி – ஒரு துண்டு – 100 கிராம்
இஞ்சி துருவியது – ஒரு தேக்கரண்டி
சீரகம் – ஒரு தேக்கரண்டி
மஞ்சள் தூள் – கால் தேக்கரண்டி
உப்பு – தேவைக்கு
மிளகு தூள் – கால் தேக்கரண்டி
தண்ணீர் – 4 டம்ளர்

செய்முறை

கத்திரிக்காய் முள்ளங்கி துருவி கொள்ளவும்.
ஒரு பெரிய வயகன்ற சட்டியில் 4 டம்ளர் தண்ணீர் ஊற்றி கொதிக்க விட்டு அதில் உப்பு,சீரகம், மஞ்சள் தூள், துருவிய கத்திரிக்காய், முள்ளங்கி மற்றும் இஞ்சியை சேர்த்து மிதமான தீயில் நன்கு வேகவிடவும்.
ஒரு டம்ளர் வற்றும் வரை தீயின் தனலை மிதமாக வச்சி வேக விடவும் ( ஸ்லோ குக்கர்).
பிறகு வடிகட்டி தேவைக்கு குடிக்கவும்.


கவனிக்க: இதை பிலன்டரில் லேசா பிளன்ட் செய்து வடிகட்டாமலும் குடிக்கலாம்.
சூப் உடன் கிரில்ட் சிக்கன் மட்டன் அல்லது கிரில் பனீர் வைத்து சாலட் உடன் சாப்பிடலாம்.அல்லது கறிவடை மட்டன் வடை, காய்கறி வடை இதுபோல பக்க உணவு செய்து சாப்பிடலாம்.
சூப் இரண்டு வகை ஒன்று சூப் கு தேவையான காய்களை வேகவைத்ட்து விட்டு அதை பிளன்ட் செய்து அப்படியே மறுபடி கொதிக்க வைத்து குடிப்பது.
மற்றொன்று வேகவைத்து அந்த சூப் சத்துக்களை வடிக்கடி குடிப்பது.
அதில் இது தண்ணீ சாறு சூப் , லிக்விட் டயட் எடுப்பவர்களுக்கு இது உதவும்.
இது போல நான் எல்லா காய்கறிகளிலும் அதாவது டேஸ்ட் இல்லாத காய்களில் செய்து சூப்பாக குடிக்கலாம். பாகற்காயில் கூட இப்படி செய்யலாம் ஆனால் கசப்பு தெரியாமல் இருக்க இதில் பொன்னாகன்னி கீரை மற்றும் கேரட் சேர்த்துகொள்ளலாம்.
( கேன்சர் உள்ளவர்களுக்கு நான் இது போல எல்லாகாய்கறிகளிலும் செய்து கொடுத்து இருக்கேன்) 8 வ்ருடம் முன் 15 நாளில் அவரின் #சோர்வை சரி செய்து இருக்கேன்.
ஆக்கம்

Samaiyalattakaasam Jaleela Kamal


https://www.facebook.com/pages/Chennai-Plaza/156896191130975 https://www.facebook.com/Samaiyalattakaasam http://www.chennaiplazaki.com/