Thursday, February 28, 2013

இள‌நீர் க‌ட‌ற்பாசி Tender Coconut Agar Agar


 
 
 
 


இளநீர் ற்பாசி Tender Coconut Agar Agar

கடல் பாசி நோன்பு காலத்தில் செய்யும் பலவகை பதார்த்தங்களில் இதுவும் ஒன்று. இது ஒரு சைவ உணவு

தேவையானவை

  • கடல் பாசி - 10 கிராம்
  • தண்ணீர் - இரண்டு டம்ளர்
  • இளநீர் = ஒன்று முழுவதும்
  • இளநீரில் கிடைக்கும் தண்ணீர் - அரை (அ) முக்கால் டம்ளர்
  • சர்க்கரை - தேவையான அளவு
  • இளநீரில் இருக்கும் வழுக்கை தேங்காய்
  • பாதா‌ம் - ஒரு மேசைக்க‌ர‌ண்டி (பொடியாக‌ அரிந்த‌து தேவைப்ப‌ட்டால்)





  • செய்முறை


    ஒரு வாய் அகலமாக உள்ள சட்டியில் இரண்டு டம்ளர் தண்ணீர் ஊற்றி கடல்பாசி மற்றும் சர்க்கரை சேர்த்து கொதிக்க விடவும். நன்கு கிளறி விட்டு கொதிக்க விடவும்

    நன்கு கொதித்து கடல் பாசி கரைந்து தண்ணீர் தெளிய ஆரம்பிக்கும் போது சட்டியை அடுப்பில் இருந்து இறக்கி வைக்கவும்




    இறக்கி வைத்திருக்கும் கடல்பாசி கலந்த தண்ணீரை மற்றொரு பாத்திரத்தில் வடிகட்டிக் கொள்ளவும். வடிகட்டியில் தங்கும் கடல் பாசியை மீண்டும் சிறிது தண்ணீர் சேர்த்து வேக விடவும்



    சதுரமாக உள்ள இரண்டு பாத்திரங்களில் வடிகட்டிய தண்ணீரை ஊற்றி அதில் இளநீரை சேர்த்து அதில் உள்ள வழுக்கையை கரண்டியால் சுரண்டி மேலே தூவி விடவும். பாதாமை மேலே தூவவும்.




    சூடு அறியதும் லேசாக கெட்டி ஆகும். இப்போது அந்த இரண்டு பாத்திரங்களையும் ப்ரிட்ஜில் வைக்கவும்


    கடல் பாசி நன்கு கெட்டியாக மாறி குளிர்ச்சியடைந்ததும் எடுத்து விரும்பிய வடிவில் நறுக்கிக் கொள்ளவும்.


    இது சாப்பிடசாப்பிடநிறையசாப்பிடனும்போல் தோன்றும் அவ்வவுருசியாகஇருக்கும்

    Note:

    கடல் பாசி நோன்பு காலத்தில் செய்யும் பலவகை பதார்த்தங்களில் இதுவும் ஒன்று. இது ஒரு சைவ உணவு. இதை ஜெல்லியை போல் ஹோட்டல்களில் பாலுடா மற்றும் விதவிதமான ஸ்வீட் வகைகளில் பயன்படுத்துவார்கள். இது நோன்பு பிடிக்கும் போது ஏற்படும் உடல் சூட்டை தணிக்கும். கடல் பாசியை பல வகையாக செய்யலாம், ப்ளைனாக செய்து அதில் வேண்டிய புட்கலர் சேர்த்து நட்ஸ் தூவி கொள்ளலாம். இல்லை பழ வகைகளை நறுக்கி போட்டு செய்யலாம். பால், ஜவ்வரிசி, கடல்பாசி சேர்த்து காய்ச்சி செய்து சாப்பிடலாம். ரூ ஆப்ஷா மற்றும் டேங்க் பவுடர், தேங்காய் உடைத்த தண்ணீரிலும் செய்யலாம்





     
     
     

    Tuesday, February 26, 2013

    ஆளிவிதை பீட்ரூட் மீன் கட்லட் - Flaxseed Beet Fish Cutlet






    ஆளிவிதை பீட்ரூட் மீன் கட்லெட்


    பொதுவாக கட்லட் உருளை மட்டன் சேர்த்து அல்லது சிக்கன், மீன் , வெஜ் என்று வகையாக செய்வோம்.
    நான் கட்லெட் எப்ப செய்தாலும் கொஞ்சம் கேரட்டும் சேர்ப்பேன். காய் கறிகளில் மிகவும் பிடித்த காய் பிட்ரூட். எனக்கு மட்டுமில்லை என் அம்மா , பாட்டி எல்லாருக்குமே விருப்பமான காய். இதை என் அப்பாவின் அம்மா சும்மாவே சாப்பிட வைப்பார்கள். இதை சாப்பிட்டா அவ்வளவும் ரத்தம் உடம்ம்பில் ரத்தம் சுத்தமாகும் என்பார்கள். என் பையன் களுக்கும் மோர் குழம்பு வைத்தால் பீட்ரூட் பொரியால் இல்ல்லாமல் சாப்பிட மாட்டார்கள்.
    ஸ்வீட் செய்வதாக இருந்தாலும் எங்க வாப்பா முதலில் சொல்லுவது பீட்ரூட் ஹல்வா தான், பள்ளி செல்லும் காலங்களிலும் பீட்ரூட் கடலைபருப்புடன் பரோட்டா  ஒரு நாள் கண்டிப்பாக டிபன் பாக்ஸ்க்கு இருக்கும்.

    நான் கட்லடில் பீட்ரூட், மற்றும் பிளஸ்சீட் சேர்த்து இதை கொஞ்சம் வித்தியாசமாக செய்துள்ளேன்.இந்த கலர் பார்க்கவே உடனே எடுத்து சாப்பிடனும் போல் இருக்கும்.இதில் முள்ளில்லாமல் எந்த மீன் வேண்டுமானாலும் சேர்த்து கொள்ளலாம்.

    ஆளி விதை பற்றி ஏற்கனவே முன்பு பதிவில் சொல்லி உள்ளேன்
    ஆளிவிதை சேர்த்து இது வரை இட்லி பொடி, துவையல் , ரொட்டி , அடை எல்லாம் செய்துள்ளேன்.
    பிரட் கரம்ஸ் சேர்க்கும் போது  ஆளிவிதை பவுடர் செய்து இதில் சேர்க்கலாம் என்று.ஞாபகம் வந்தது கட்லட் என்றாலே சுவை அபாரமாக இருக்கும் அதுவும் இத்தன வகை சேர்ந்தால் சுவையை சொல்ல கேட்கவா வேண்டும்.


    கர்பிணி பெண்களுக்கும் வாய்க்கு சுவைபடும்.சத்தான மாலை நேர சிற்றுண்டி, மதியம் பக்க உணவாக வும் சாப்பிடலாம், காலை பிரட்டுடன் சாண்ட்விச்சாகவும் சாப்பிடலாம்.










    Sunday, February 24, 2013

    நியுடெல்லா சாக்லேட் மக் கேக் - Nutella Chocolate Mug Cake






    இந்த குறிப்பு வல்லமையில் வெளியாகி உள்ளது 


    குழந்தைகள் டிபன் பாக்ஸ்க்கு இப்படி கொஞ்சமாக அவசரத்துக்கு செய்து கொடுத்தனுப்பலாம்.
    Linking to  virunthu unna vaangka viji' & Getssamaiyal show  your Style to world, piriya's valentine's day recipe contest, Faiza's passion on plate , lemon curry ramya's Innovative recipes


    Saturday, February 23, 2013

    ஸ்ட்ராபெர்ரி பிஸ்தா கேக் - Strawberry Pista Cake




    ஸ்ட்ராபெர்ரியை விரும்பாத குழந்தைகளே கிடையாது. பழங்களிலேயே எல்லா குழந்தைகளின் விருப்பமான பழ ஸ்ட்ராபெர்ரி பழம் தான். கொஞ்சமாக இப்படி செய்து குழந்தைகளுக்கு காலை உணவுக்கோ பள்ளிக்கோ கொடுத்தனுப்பலாம்.


    தேவையானவை


    மைதா – 3 மேசை கரண்டி
    சர்க்கரை – 3 மேசை கரண்டி
    பேக்கிங் பவுடர் – ½ தேக்க்ரண்டி
    இட்லி சோடா – ¼ தேக்கரண்டி
    முட்டை – ஒன்றில் பாதி
    பால் – 1 மேசை கரண்டி
    ரோஸ் எசன்ஸ் – 1 துளி
    பிஸ்தா ப்ளேக்ஸ் – 1 மேசைகரண்டி
    நறுக்கிய ஸ்ட்ரா பெர்ரிபழம்  - 3 தேக்கரண்டி

    செய்முறை

    மைதா பேக்கிங் பவுடர், இட்லி சோடா வை சலித்து கொள்ளவும்.
    ஒரு வாயகன்ற பாத்திரத்தில் சர்க்கரையையும் பட்டரையும் சேர்த்து நன்கு கிரீம் போல அடித்து கலக்கவும்.
    முட்டையை நன்கு நுரை பொங்க அடித்து சர்க்கரை கலவையில் கலக்கவும்.
     மைதா கலவையை சிறிது சிறிதாக தூவி கலக்கி ரோஸ் எசன்ஸ் மற்றும் பாலை சேர்க்கவும்.
    கடைசியாக பிஸ்தா பிலேக்ஸ் மற்றும் ஸ்ட்ராபெர்ரி பழத்தை சேர்த்து கலக்கி மைக்ரோவேவ் பவுளில் 5 நிமிடம் வைத்து எடுக்கவும.


    ஆறியதும் துண்டுகளாக போட்டு குழந்தைகளுக்கு கொடுக்கவும்.

    Serves – 2 kids
    Preparation Time: 7 min
    Cooking time: 5 min


    Linking to Faiza's Passion on plate , priya's valentine;s day recipe contest


    Sunday, February 17, 2013

    பாதம் மசாலா மில்க் - Badam Masala Milk





    இருமல் சளி தொண்டை வலி எல்லாம் வருமுன் காக்க ஒரு அருமையானபானம் இந்த மசாலா மில்க். அதாவது அடிக்கடி சளி பிடிப்பவர்களுக்கு வாரம் ஒரு முறை இதை காய்ச்சி குடித்து வந்தால் ஓரளவுக்கு குணம் பெறலாம்.





    தேவையானவை
    பால் – ½  லிட்டர் + ½ லிட்டர்
    சர்க்கரை – 150 கிராம் ஏலக்காய் – 4
    கிராம்பு – 4
    பட்டை  1 அங்குல துண்டு 2
    மிளகு – 15 எண்ணிக்கை
    மஞ்சள் தூள் – ¼ தேக்கரண்டி
    சாப்ரான் -  ½ தேக்கரண்டி
    பாதாம் – 100 கிராம்
    முந்திரி – 25 கிராம்



    செய்முறை

    முந்திரியை 5 நிமிடம் ஊறவைக்கவும்.
    பாதாம் பருப்பை ஊறவைத்து தோலெடுக்க்கவும்




    . பாதம் முந்திரி சாப்ரான் முன்றையும் நன்கு மையாக அரைத்து எடுக்கவும்.

    ஒரு பாத்திரத்தில் அரை லிட்டர் பாலுடன் அரைத்த பாதம் கலவையை சேர்த்து காய்ச்சவும்.



    மற்றொரு பாத்திரத்தில் மிளகு, பட்டை ,கிராம்பு,லவங்கம்,மஞ்சள் தூள் சேர்த்து நன்கு கொதிக்க விடவும். மசாலாக்கள் நன்கு பாலில் இரங்கும் வரை  பாலை கால் லிட்டர் ஆகுவரை தீயின் தனலை குறைவாக வைத்து கொதிக்க விடவும். 





    சிறிது வற்றியதும் மற்றொரு அடுப்பில் கொதித்து கொண்டிருக்கும் பாதம் பாலுடன் வடிகட்டி சேர்த்து கொதிக்க விடவும்.
    சர்க்கரை சேர்த்து மீண்டும் 5 நிமிடம் கொதிக்க விட்டு இரக்கவும்.




    டிப்ஸ்: சளி இருமலுக்கு இந்த மசாலா மில்க் அருமையான  மருந்து ஓவ்வொரு தடவை குளிர்காலம் ஆரம்பிக்கும் போதும் அனைவரையும் கடுஞ்சளி தாக்கும், இந்த முறை குளிர் சீசன் ஆரம்பித்த்தும் இதை தான் வாரம் ஒரு முறை செய்து குடித்தோம் , எங்க வீட்டில் இம்முறை யாருக்கும் அதிக இருமல் சளி பிடிக்கவில்லை.
    இந்த பாதம் பால் காய்ச்ச கொஞ்சம் பொறுமை தேவை.





    பாதாம் பால் அதிக தீயில் வைத்தால் பொங்கி விடும். அப்ப அப்ப கிளறி விடனும்.
    மசாலாசேர்த்து கொதிக்க வைக்கும் போது குறைந்த தீயில் வைத்து கொதிக்க விடனும் அப்பதான் சாறு நல்ல இரங்கும்.


    . மிளகை ஒன்றிரண்டாக நல்ல தட்டி போட்டால் இன்னும் எஃபக்டாக இருக்கும்.








    Tuesday, February 12, 2013

    தொண்டை கர கரப்பு மற்றும் புறையேறுதலுக்கு


    அனைவருக்கும் இருக்கும் பிரச்சனை சளி இருமல்,மூக்கடைப்பு, தொண்டை வலி , தொண்டை புண்,புறையேறி கொண்டே இருத்தல்.... இப்படி சொல்லி கொண்டே போகலாம்

    இதற்காகா நான் இங்கு என் கை வைத்தியம் ஏற்கனவே இங்கு நிறைய போட்டு உள்ளேன்.







    மேலே உள்ள லிங்க்களில் கொடுத்துள்ளவைகள் எல்லாமே என் சொந்த அனுபவ குறிப்புகள்.




    எங்க மாமியாரின் கை பக்குவம் தொண்டை கர கரப்பு சளி என்றால் முதலில் வெண்ணீர் உப்பு போட்டு வாய் கொப்பளிக்க தான் சொல்வார்கள்.

    கிராம்பை வாயில் அடக்கி கொள்ளலாம் ஆனால் அதன் துகள்கள் தொண்டையில் மாட்டி கொண்டு இன்னும் பாடு படுத்தும்.
    எந்த டாக்டர் கிட்ட போனாலும் தொண்டை கர கரப்பு மற்றும் இருமல் சளிக்கு முதல் செய்ய சொல்வது வெண்ணீர் உப்பு போட்டு கார்குலிங் செய்வது தான்.
    பிரஷர் இருப்பவர்கள் அதிக உப்பை சேர்த்து கொள்ளாதீர்கள்.
    மிளகு , கிஸ்மிஸ் பழம் எடுத்து கொள்ளுஙக்ள்.
    வெண்ணீர் உப்பு போட்டு வாஉ கொப்பளிப்பதும் ஒரு தடவை இரண்டு தடவை செய்துட்டு விட்டுட கூடாது, அரை மணிக்கொருமுறை செய்தால் நல்ல பலன் கிடைக்கும்.
    படுக்கும் போது கொஞ்சம் சரிந்து படுங்கள்.

    இங்கு இதை படிக்கும் நீங்கள் பயன் படுத்திய குறிப்புகள் இருந்தாலும் இந்த பதிவின் கீழ் பகிரலாம்.





    Thursday, February 7, 2013

    அன்னாச்சி எசன்ஸ் மற்றும் பட்டை தூள் பாம்பே டோஸ்ட் - Pineapple flavor Bombay Toast




    அன்னாச்சி எசன்ஸ் மற்றும் பட்டை தூள் பாம்பே டோஸ்ட்

     இலகுவான காலை நேர டிபன். குழந்தைகளுக்கு எளிதில் ஜீரணம் ஆகக்கூடிய டிபன்.செய்வதும் சுலபம்.வாரம் ஒரு நாள் கண்டிப்பாக இந்த டோஸ்ட் செய்வது. என் கணவருக்கு ரொம்ப பிடிச்ச டிபன் அயிட்டம். இது எங்க வீடுகளில் செய்யும்  மாப்பிள்ளை நாஷ்டா. இங்கு கொடுத்துள்ள அளவு ரொம்ப ஹெவியாக கொடுக்கவில்லை. 
    இது அப்படியே ஒரு முட்டையில் ஒரு கரண்டி பால் ஊற்றி கொஞ்சம் சர்க்கரை ஏலம் தட்டி போட்டு இரண்டு டோஸ்ட் செய்து கல்யாண மாப்பிள்ளைக்கு வைப்பார்கள்,
    பூப்பெய்திய பெண்களுக்கும் கொடுப்பார்கள்.தீடீருன்னு விருந்தாளிகள் வந்தாலும் இதை உடனே சுலபமாக செய்து விடலாம்.நல்ல பசி தாங்கும். டிரெயின் பயணம் மற்றும் டூர் போகும் போது கூட இதை தான் செய்து எடுத்து செல்வோம்,











    தேவையானவை
    பிரட் – 9
    காய்ச்சி ஆறிய பால் – 100மில்லி
    முட்டை – 2
    அன்னாசி பழ எசன்ஸ் – 2 துளி
    பட்டை தூள்  ½ தேக்கரண்டி
    சர்க்கரை – 50 கிராம்
    பட்டர் + எண்ணை - பொரிக்க தேவையான அளவு




     செய்முறை
    முட்டையை நன்கு நுரை பொங்க அடித்து பாலில் சர்க்கரையை கரைத்து அதில் அன்னாசி எசன்ஸ், பட்டைதூள் சேர்த்து நன்கு கலக்கவும்.
    எண்ணை + பட்டரை தோசை தவ்வாவில் சூடாக்கி பிரட்டை முட்டைகலவையில் தோய்த்து கருகாம்ல் இருபுறமும் பொரித்து எடுக்கவும்.




    ஆயத்த நேரம் : 7 நிமிடம்
    சமைக்க ஆகும் நேரம் :10 நிமிடம்
    பரிமாறும் அளவு : 3 நபருக்கு